دەستەی پێوانەسازی و کۆنتڕۆڵی جۆری

كردنەوەی خولی هۆشیاركردنەوە و بەرزكردنەوەی تواناكان بۆ فەرمانبەرانی دەستە

Comments Off on كردنەوەی خولی هۆشیاركردنەوە و بەرزكردنەوەی تواناكان بۆ فەرمانبەرانی دەستە
— 05/12/2023 10

دەستەی پێوانەسازی و كۆنتڕۆڵی جۆری هەرێم هەستا بەكردنەوەی خولێكی هۆشیاركردنەوە بۆ فەرمانبەران و بەڕێوەبەرایەتی پێوانەسازی و كۆنتڕۆڵی جۆری هەولێر و بنكەكانی كۆنتڕۆڵی جۆری لە حاجی ئۆمەران و فڕۆكەخانەی نێودەوڵەتی هەولێر لەسەر بابەتی  پێوانەسازی و كۆنتڕۆڵی جۆری و متمانە بەخشین لەرێكەوتی (5/12/2023) لەهۆڵی دەستەكەمان.

سەرەتا لەلایەن سەرۆكی دەستەكەمان بەڕێز (د.ئەیوب سابیر گەڵاڵی) تیشك خرایە سەر گرنگی ئەنجامدانی ئەم جۆرە خولانە بەمەبەستی زیاتر بەرزكردنەوەی توانا و هۆشیاری فەرمانبەرانی دەستەكەمان وە هەروەها ئاماژەی بەوەشدا كەئەم جۆرە خولانە بۆ فەرمانبەرانی دەستەكەمان لە بەرێوەبەرایەتیەكانی كۆنترۆلی جۆری پارێزگاكانی سلێمانی و دهۆكیش ئەنجام دەدرێت.

پاشان بەڕێز (هەڤاڵ محمود غیدان) بەرێوەبەری كۆنترۆلی جۆری وەك وانەبێژ باسی لەبابەتی كۆنتڕۆڵی جۆری و ئەرك و شێوازی كارەكانی كۆنتڕۆڵی جۆری كرد  وەچەند نموونەیەكی لەسەر كارەكانی كۆنتڕۆڵی جۆری خستەروو. پاشان بەڕێز(ڕێدار محمد حمدامین) بەرێوەبەری پێوانەسازی وەك وانەبێژ لەسەر بابەتی پێوانەسازی و ئەرك و كارەكانی پێوانەسازی بەشێوەی نموونە باس كرد،دواتر لەلایەن بەڕێز(جاسم قادر اسعد) شارەزا و بەرێوەبەری كارگێری وەك وانەبێژ باسی لە یاسای دەستەی متمانە بەخشینی عێراقی و كارەكانی ئەم دەستەیە و ئەرك و شێوازی دەرهێنانی متمانەبەخشین بۆ كۆمپانیاكان و دام و دەزگا فەرمیەكان كرد. وە لەكۆتایی بەڕێوەبەری بەڕێوەبەرایەتی پێوانەسازی و كۆنتڕؤڵێ جۆری هەولێر بەڕێز (بكر عزیز بكر) بەشێوەی تێروتەسەلی باسی لە مێژووی كۆن و تازەی ستانداردی نێودەوڵەتی (ISO) و سوودەكان كرد، وە چۆنیەتی پۆلێنكردنی ئەم ستانداردە بۆ پێدانی بڕوانامەی متمانە بەخشین.

لەكۆتایی پرسیارو وەڵام لەلایەن بەشداربووانی خولەكە ئەنجامدارا.

Similar articles

  • سەرۆكی دەستە لەگەڵ بریكارەكانی كۆمپانیاكانی بازرگانی تایبەت بە ئۆتۆمبێل كۆبووە
    — 11/02/2024

    بەسەرپەرشتی بەڕێز (د.ئەیوب سابیر گەڵاڵی) سەرۆكی دەستەی پێوانەسازی و كۆنتڕۆڵی جۆری هەرێمی كوردستان كۆبوونەوەیەكی فراون بە ئامادەبوونی بەڕێوەبەری كۆنتڕۆڵی جۆری و سەرۆكی بەشی تایبەتمەندی لە دەستە لەگەڵ بریكارەكانی كۆمپانیاكانی بازرگانی تایبەت بە ئۆتۆمبێل ئەنجامدرا بەمەبەستی ئاڵوگۆڕكردنی ڕاو بۆچوون لەنێوان دەستە و كۆمپانیاكان بۆ دانانی ڕەشنوسێكی تایبەت بە تایبەتمەندی پێوانەیی عێراقی بۆ ئۆتۆمبیلی كارەبایی، كە كاری…

  • بەڕێوەبەری کاروباری کارگێڕی سەردانی بەغدای كرد
    — 17/07/2023

    بەڕێز (جاسم قادر)بەڕێوەبەری کاروباری کارگێڕی دەستکەمان وەک نوێنەری حكومەتى ھەرێمی کوردستان لە دەستەی پێوانەسازی وکۆنترۆلی جۆری /وەزارەتی پلاندانان و ئەندام لەدەستەی کارگێری (الهيأة العراقية للاعتماد)بەشداری چوارەمین کۆبوونەوەی کرد لەبەغدا لە رێکەوتى 2023/7/17 بۆ ھەماھەنگی و پەیوەندی لەنێوان ھەردوو دەستە بە تایبەتی بۆ کاروچالاکیەکانی متمانە بەخشین

  • كۆبونه‌وه‌ی ده‌سته‌ بۆ جێبه‌جێ كردنی بڕیاری ژماره‌ 184ی ڕێزدار سه‌رۆكی حكومه‌تی هه‌رێمی كوردستان
    — 09/03/2023

    بەمەبەستی جێبەجێکردنی بریاری ژمارە 184 ی جەنابی سەرۆکی حکومەتی هەرێمی کوردستان کاک مەسرور بارزانی و لەسەر راسپاردەی بەرێز د.دارا رەشید وەزیری پلاندانان تایبەت بە چاودێری و بەدوا داچوونی دەستەی پێوانەسازی و کۆنترۆلی جۆری بۆ کۆمپانیاکانی کۆنتڕۆلی جۆری لە دەروازە سنورییەکان و فرۆکەخانەکانی هەرێمی کوردستان ئەمرۆ رێکەوتی 2023/3/9 دەسته‌ی پێوانه‌سازی و كۆنترۆلی جۆری سه‌رپه‌رشتی كۆبوونه‌وه‌یه‌كی كرد…

دوایین ئاگاداری

دوایین رووداو