ئەمڕۆ رێکەوتی ١٩/٥/٢٠٢٥ بەسەرپەرشتی بەڕێز (دکتۆر ئەیوب سابیر گەڵالی) سەرۆکی دەستەی پێوانەسازی و کۆنتڕۆڵی جۆری هەرێمی کوردستان سیمینارێکی تایبەت بە بابەتی ژینگە بۆ فەرمانبەرانی دەستە ئەنجامدرا.
بابەتی یەکەمی سمینارەکە لەلایەن بەڕێز (د. گڤرین حسن فهمی ) بەڕێوەبەری دەزگای یونایتد ریلیف بە ناونیشانی ( هۆشیاری ژینگەیی) پێشەکەشکرا. هەروەها بابەتی دووەمی سمینارەکە لەلایەن بەڕێز (ئازاد نوری عولا ) بەڕێوەبەری فەرمانگەی کاروباری هونەری لەدەستەی ژینگە، بە ناونیشانی ( ئاڵنگارییەکانی بەردەم ژینگە و رێکارەکانی چارەسەرکردن). پێشکەشکرا، تەوەری سەرەکی سمینارەکەش تایبەت بوو بە بابەتە ئایکۆڵۆجییەکان و هۆشیاری ژینگەیی و پەیوەندییان بە کۆنترۆلی جۆرییەوە، هەروەها باس لە پیسبوونی هەواو خاک لەڕێگەی بڵاوبوونەوەی ئەو ماددانەی کەزیان بەژینگە دەگەیەنن کراو هاوکات چۆنیەتی چارەسەرکردن و ڕێکارەکانی کەمکردنەوەی پیسبوونی ژینگە خرایە روو بەمەبەستی گەیشتن بەستانداردە نێودەوڵەتیەکانەوە. دواتر لەلایەن بەشدار بوانی سمینارەکە بابەتەکان بە گفتوگۆو روانینی جیاجیا زیاتر دەوڵەمەند کران و پێشنیاری پڕ بایەخ و گرنگیش خرانە ڕووەوە.
دیارە بابەتی ژینگە یەکێکە لە تەوەرە سەرەکییەکانی هێڵە گشتییەکانی بەرنامەی کاری کابینەی نۆیەمی حکومەتی هەرێمی کوردستان، بەو پێیەی ژینگەی کوردستان گەورەترین سەرمایەی هەرێمە و کار کردن بۆ پاراستن و پەرەپێدان بە کلتوری ژینگە پارێزی لە ئەولەویەتی ئەرک و کاری حکومەتدایە بەمەبەستی کەمکردنەوەی مەترسییە ژینگەییەکان.
لەکۆتاییدا سوپاس وپێزانین لەلایەن سەرۆکی دەستە بەخشرایە پێشکەشکارانی سمینارەکە.
بەڕێز (د.ئەیوب سابیر گەڵاڵی) سەرۆکی دەستەی پێوانە سازی و کۆنتڕۆڵی جۆری سەردانی بنکەی پێوانە سازی و کۆنتڕۆڵی جۆری لە دەروازە نێودەوڵەتی حاجی ئۆمەران کرد. لە کۆبوونەوەیەکدا لەگەل بەڕێوەبەرو فەرمانبەرانی بنکە باس لە چۆنیەتی بەڕێوەچوونی ئیش و کارەکانی بنکە لە دەروازە کرا. لەکۆتایی سەردانەکەیدا سەرجەم بەشەکانی بنکەی کۆنتڕۆڵی جۆری لە دەروازە بەسەر کردەوە.
لەیادی ٣٧ ساڵەی کارەساتی کیمیابارانکردنی هەڵەبجەی شەهید، بە ئامادەبوونی سەرۆکی دەستەی پێونەسازی و کۆنتڕۆڵی جۆری و سەرجەم بەڕێوەبەر و فەرمانبەرانی دەستە ،ساتێک بەبێدەنگی وەستان بۆ ڕێزلێنان لەروحی پاکی شەهیدان.
EXAMPLEDESCRIPTION
